FLASH
Shkruar nga Pamfleti
Reza Pahlavi, djali i shahut të fundit të Persisë dhe një figurë që synon të ketë rol në të ardhmen politike të Iranit, ka kundërshtuar sulmet e SHBA dhe Izraelit ndaj infrastrukturës joushtarake të vendit.
Në një deklaratë publike, ai i bëri thirrje presidentit amerikan Donald Trump dhe kryeministrit izraelit Benjamin Netanyahu që të ndalojnë goditjet ndaj objekteve civile.
“Infrastruktura civile e Iranit i përket popullit iranian dhe të ardhmes së një Irani të lirë,” shkruan Pahlavi. Ai dallon mes kësaj infrastrukture dhe asaj që, sipas tij, përdoret nga Republika Islamike si “mekanizëm shtypjeje dhe terrori”.
Sipas tij, sulmet duhet të përqendrohen te strukturat e regjimit dhe aparati i tij represiv, duke lënë të paprekura asetet që do të jenë të nevojshme për rindërtimin e vendit në të ardhmen.
“Irani duhet të mbrohet. Regjimi duhet të marrë fund,” thekson ai, duke kërkuar që operacionet ushtarake të orientohen në mënyrë selektive.
Lini një Përgjigje