FLASH
Shkruar nga Pamfleti
Ligjërisht, kjo blerje bëhet me tender të hapur, mbasi nuk është pjesë e Protokoll-Armatimit të klasifikuar “Sekret” nga NATO, por dronë të blerë te firma private e mikut të kryeministrit Edi Rama, të cilët qeveria po i blen me 6 milionë Euro, nga 4.3 milionë Euro që kompania e familjes Erdogan i shet në tregun e lirë...
Përveçse piramidën shtetërore po e komandon vetë dhe vetëm në çdo ligj e vendimmarrje, kryeministri Edi Rama po e përdor qeverinë e buxhetin si pronë private, duke shpërndarë fondet te miqtë e klientët edhe jashtë Shqipërisë.
Më 20 dhjetor 2022, Babloku urdhëroi Ministrin e Mbrojtjes, Niko Peleshi, të nënshkruante me urgjencë, kontratën për blerje e 6 copë “Dron Bayraktar”, nga kompania turke “BAYKAR MAKINA SAN. VE. TIC. A.Ş” e dhëndrit të Erdogan.
Teksti i kontratës dhe vlera financiare e blerjes së tyre, nuk u bënë publike, mbasi kryeministri Edi Rama e trajtoi “Sekret ushtarak” çmimin e tyre, kur ato nuk janë blerë si pajisje të Protokollit të NATO-s, por për shërbime civile e vëzhgimi policor nga ajri.
Fshehja e çmimit u bë për të fshehur vjedhjen, mbasi nga 4.3 milionë Euro, që dhëndri i Erdogan e shtet 1 “Dron Bayraktar” në treg të lirë, qeveria shqiptare e ka blerë me 6 milionë Euro, konfirmuar ky çmim sipas informacionit që “Pamfleti” ka siguruar nga Ministria e Financave.
Por para 5 ditësh, me Vendim Qeverie Nr. 332, datë 31 maj 2023, Babloku e ka vazhduar dhe e ka shtuar pazarin me dhëndrin e Erdogan, për blerje dronësh të tjerë, duke detyruar Belinda Ballukun të firmoste vendimin dhe Niko Peleshin të firmoste kontratën me firmën turke.
Por kontrata është mbajtur përsëri e fshehtë, megjithëse te vendimi e publikuar në Fletore Zyrtare, thuhet se bashkëngjitur, është teksti i kontratës së lidhur për blerje “Dron Bayraktar”, nga kompania turke “BAYKAR MAKINA SAN. VE. TIC. A.Ş” e dhëndrit të Erdogan.
Përveç Bablokut, Ballukut e Peleshit, askush tjetër nuk e di se sa copë dronë të tjerë do blihen e me çfarë çmimi do blihen, madje as Ministrja e Financave që do kalkulojë fondet e do firmosë çeqet, sepse ende nuk i është çuar kontrata.
Por gjersa 6 dronët e parë në dhjetor 2022, janë blerë me çmim 6 milionë Euro copa, ose 1.7 milionë Euro më tepër se vlera e tregut të lirë, nuk ka dyshim që edhe dronët e kontratës së 31 majit, do blihen përsëri me këtë çmim.
Ose ndoshta edhe më shtrenjtë, ngaqë SPAK nuk e hetoi kontratën e parë me vjedhje 10.2 milionë Euro, që u mbajt e fshehtë si gjoja “sekret ushtarak”, por “de facto” është mashtrim dhe totalisht e paligjshme, sepse NATO nuk e klasifikon blerjen e dronëve “Sekret ushtarak”./Pamfleti
Lini një Përgjigje