FLASH
Shkruar nga Pamfleti
Vijon zvarritja e gjyqit ndaj Berishës. Edhe në seancën e dytë për aferën “Partizani” avokatet shkuan me një strategji të qartë.
Analisti Arben Meçe në një intervistë në “News Line” tha se zvarritja e gjyqit të Berishës, tashmë nuk aspak surprizë. Më tej nënvizoi se me dosjen “Partizani” po tejkalohen të gjitha afatet ligjore.
“Artifica e përdorur sot është një absurditet i madh. Të arrijë një person që ka status të pandehur tashmë dhe të rrëzojë gjithë sistemin, të dali individi dhe të kundërshtojë prezencën e institucionit, çfarë mund të thuash? Kjo është një gjë që duhet dalluar mirë në pozicionin politik e ligjor. Berisha kur nuk njohu vendimin e SPAK e procedura. Berisha ka hapur një precedent tjetër që thotë nuk njoh Kushtetuesen. Të bëhen ankimime të kësaj natyre që të goditet rendi kushtetues, më duket absurde. Por mendoj që sistemi ynë i drejtësisë do të mbajë një qëndrim ndaj këtij precedenti”, tha ai.
Shtyrjen e gjyqit, Meçe e ka konsideruar një “show” të ish-kryeministrit Berisha. Gjithashtu ai nënvizoi se kërkesa për rrëzimin e trupës gjyqësore sipas tij është qesharake.
“Të dalë i pandehur dhe të kërkojë rrëzimin e Gjykatës, kjo është absolutisht e paligjshme dhe e penalizueshme që në pretendim”, tha më tej ai.
Lini një Përgjigje