FLASH
Shkruar nga Pamfleti
Spitali i Korçës ka reaguar pas ndarjes nga jeta të 12-vjeçari Leo Sadiku nga Pocesta e Maliqit i cili ndërroi jetë pasi shfaqi probleme shëndetësore.
Mjekët sqarojnë se pas shtrimit në spital gjendja shëndetësore e të miturit është stabilizuar dhe në datën 31 Dhjetor, me dëshirën e prindërve, është larguar për në banesë.
“Gjatë shtrimit ai është mjekuar me antibiotik, perfuzione dhe ilaçe për barkun. I gjithë mjekimi është bërë mbi rezultatet e analizave”, thuhet në reagim.
Në datën 7 Janar, kur 12-vjeçari është paraqitur sërish në urgjencën spitalore të Korçës “është bërë stabilizimi i gjendjes shëndetësore edhe pse u paraqit në situatë shumë të rënduar në spital”, njoftojnë bluzat e bardha.
Por, theksojnë për shkak të simptomave të cilat janë të njëjta për disa diagnoza u bë e mundur të niset menjëherë në kryeqytet për mjekim të specializuar dhe për ekzaminime të thelluara shëndetësore.
Në reagim, thuhet se rasti është ndjekur me përparësi në spitalin e Korçës nga personeli shëndetësor.
Ndërkohë ajo që dihet është se në spitalin e Korçës nuk ka mjek kardiopediatër. Nga ana tjetër Prokuroria e Korçës ka nisur hetimet mbi shkaqet e ngjarjes.
Lini një Përgjigje