FLASH
Shkruar nga Pamfleti
Në këtë Edicion Informativ ju ftojme të ndiqni zhvillimet kryesore deri në këtë orë të ditës:
Çmimi i naftës:
Partia Demokratike depozitoi dy projektligje për uljen e naftës në 175 L/l, duke argumentuar barrën fiskale të lartë.
Qeveria dhe ministri Enea Karakaçi hodhën poshtë propozimin; çmimi sot arrin 214 L/l.
Reforma Territoriale:
Ministri Ervin Demo bëri bilancin e punës, duke theksuar progresin e Paketës së Maleve dhe duke siguruar se komisioni i Reformës Territoriale do të përfshijë të gjitha palët për zgjidhje gjithëpërfshirëse.
PD dhe zgjedhjet brenda partisë:
Ervin Salianji përjashtohet nga gara për kryetar PD; Sali Berisha thërret qytetarët për protestën e 22 marsit si “provë force” kundër qeverisë.
PD dhe Bundestagu:
Opozita nuk përfshihet në delegacionin e Kuvendit në Bundestag; PD e konsideron vendimin “të paprecedentë” dhe akuzon maxhorancën për trajtim si armik.
Meta dhe çështja penale:
Ilir Meta i drejtohet sërish GJKKO-së për ndryshimin e masës së sigurisë në çështjen ku përfshihet edhe Monika Kryemadhi; të gjithë nën masën “detyrim paraqitje” duhet të raportohen një herë në muaj.
Banorët e Rrjollit:
Protestojnë kundër ndërtimit të resortit “Blu Borgo” nga Bashkim Ulaj, duke u përballur me policinë; disa shoqërohen, duke denoncuar përdorimin e fyerjeve nga efektivët.
Pedagogët e Universitetit të Arteve:
Denoncojnë se titujt akademikë të rinj nuk janë reflektuar në pagesa ose status, duke krijuar kontradiktë mes praktikës artistike dhe modelit klasik akademik.
Siguria Kosovë-Serbi:
Kryeministri Albin Kurti paralajmëron për provokime ushtarake pranë Bujanocit dhe lidhje me grupin e Milan Radoiçiç; KFOR sqaron se stërvitjet nuk kërcënojnë sigurinë.
Lindja e Mesme:
Tensionet rriten, SHBA paralajmëron goditje të reja ndaj Iranit; çmimet e naftës dhe gazit natyror fluturojnë.
Fiter Bajrami:
Kreu i KMSH, Bujar Spahiu, uron besimtarët myslimanë: Zoti pranoftë agjërimin dhe lutjet e Muajit të Ramazanit.
Lini një Përgjigje