FLASH
Shkruar nga Pamfleti
Ndiqni zhvillimet kryesore nga kronika e zezë deri në këtë orë...
Elman Abule – pasuritë të mos sekuestrohen
Gjykata e Tiranës vendosi të mos sekuestrojë rreth 20 pasuri me vlerë 50 milionë euro, të dyshuara nga prokuroria si të përfituara nga veprimtari kriminale. Vendimi vjen pas një historie gjyqësore të gjatë dhe pritet që prokuroria të ushtrojë apel.
Dosja “Plumbi i Artë” – seanca e shtyrë
Gjykata e Posaçme shtyu për 15 janar seancën ndaj të pandehurve, për shkak të mungesës së avokatëve. Çështja është në fazën e pyetjes së dëshmitarëve nga SPAK.
Sekuestrim pasurie në Shkodër
Prokuroria e Shkodrës sekuestron pasuritë e Brigeno Binoshaj dhe familjarëve të tij, të dyshuara të jenë përfituar nga aktivitet kriminal. Binoshaj ka precedentë për trafik droge në Francë.
Mashtrimet në “WhatsApp”
Policia paralajmëron qytetarët të mos bien pre e mesazheve mashtruese që synojnë llogaritë bankare.
Shqiptari 30-vjeçar në qendër të trafikut ndërkombëtar
30-vjeçari, i dënuar më parë për armë në Luksemburg, dyshohet si figurë kyçe e një bande që transportonte drogë drejt Holandës.
Zjarr në Librazhd-Prrenjas
Një kioskë dhe dy automjete u përfshinë nga flakët. Dyshohet se zjarri ka qenë i qëllimshëm; policia ka nisur hetimet.
Ekstradim në Gjermani
60-vjeçari i shpallur në kërkim ndërkombëtar arrestohet në Gjermani dhe do të ekstradohet në Shqipëri për veprat penale të falsifikimit dhe shkatërrimit të pronës.
Sherr në Itali mes shqiptarëve dhe maqedonasve
11 të arrestuar, një person i plagosur rëndë; të përfshirë të rinj nga 19 deri në 31 vjeç.
Viktimë me armë në Lezhë
Një person u gjet i vdekur në fshatin Spiten, me plagë nga arma e zjarrit; policia po heton rrethanat.
Punonjësi i Fierit plagoset me thikë
Një qytetar i acaruar nga parkimi sulmoi punonjësin e sigurisë në ambientet e spitalit, ndërsa autoritetet arrestuan 44-vjeçarin.
Manovrat kineze rreth Tajvanit
Operacioni “Misioni i Drejtësisë 2025” simulon bllokadë portesh dhe patrullime detare/ajrore. Tajvani e dënoi veprimin, ndërsa analistët shohin test të vendosmërisë së SHBA-së pas shitjes së armëve.
Aksion amerikan kundër anijes narkotike
Ushtria amerikane godet një anije në Oqeanin Paqësor lindor, duke vrarë dy persona të dyshuar për trafik droge, pjesë e operacioneve që nga shtatori ku janë vrarë të paktën 107 persona.
Lini një Përgjigje