FLASH
Shkruar nga Pamfleti
Trafik i rënduar dhe radhë kilometrike janë krijuar në autostradën Tiranë–Elbasan, ku qindra automjete kanë mbetur të bllokuara për më shumë se dy orë.
Sipas raportimeve nga drejtuesit e mjeteve, lëvizja në aks është pothuajse e paralizuar, ndërsa kolona e automjeteve me tre rreshta shtrihet nga dalja e tunelit të Elbasanit deri pranë rrethrrotullimit të Bradasheshit.
Burime bëjnë me dije se shkak i situatës është bërë zhvillimi i etapës së dytë të turit çiklistik, i parashikuar të zhvillohet këtë të hënë, më 19 maj 2026.
Sipas njoftimit, aksi Lezhë–Vorë–Golem–Rrogozhinë me finish në Elbasan është bllokuar nga ora 12:00 për shkak të aktivitetit sportiv.
Ndërkohë, drejtuesit e mjeteve dhe udhëtarët vijojnë të presin në trafik prej orësh, ndërsa deri tani nuk ka një reagim zyrtar lidhur me menaxhimin e situatës dhe kohën e normalizimit të qarkullimit.
Lini një Përgjigje