FLASH
Shkruar nga Pamfleti
Stuhia ‘Ciaran’ ka përfshirë orët e fundit juglindjen e vendit ku disa fshatra kanë mbetur pa energji elektrike.
Në Bashkinë e Korçës janë pa energji fshatrat e njësisë administrative Vithkuq ndërsa në bashkinë e Maliqit njësia administrative Gore dhe disa fshatra të Njësisë Administrative Vreshtas e Libonik.
Mediat bëjnë me dije se në bashkinë e Kolonjës pa energji elektrike janë fshatrat e njësisë Administrative Leskovik ndërsa në bashkinë e Pogradecit fshatrat e të Njësisë Administrative Dardhas kanë mbetur pa energji elektrike.
Njoftohet se po punohet për rikthimin e energjisë elektrike në të gjitha fshatrat e lartpërmendura, ndërsa pas stuhisë grupet e punës do të zbresin në terren.
Sipas të dhënave, deri tani nuk raportohet për probleme të tjera sa i përket rrugëve apo përmbytjeve.
Gjithashtu, në qyetin e Korçës ka rënë suvaja e një pallati dhe për pasojë është lënduar një person.
Ndërkohë, më herët një pjesë e fasadës së termizolimit në një pallat në qendër të Korçë është shkëputur. Fatmirësisht nga shkëputja e fasadës nuk ka pasur të lënduar, por vetëm dëme materiale në lokalet e pedonales.
Lini një Përgjigje