FLASH
Shkruar nga Pamfleti
Menjëherë pas vizitës së kryeministrit Edi Rama në ish vilën e Enver Hoxhës që u sulmua dje nga protestuesit e PD, janë njoftuar dy shkarkime të mëdha në Policinë e Shtetit.
Me urdhër të kryeministrit është larguar nga posti drejtori i Përgjithshëm i Policisë së Shtetit, Ilir Proda dhe në krye të Policisë së Shtetit është komanduar Sokol Bizhga.
Po ashtu, mësohet se nga detyra është shkarkuar edhe drejtori i Policisë së Tiranës, Elton Alushi, por ende nuk dihet se kush do e zërë vendin e tij.
Shkarkimi i krerëve të Policisë së Shtetit ka ardhur pas protestës së dhunshme të Partisë Demokratike gjatë ditës së djeshme, ku u vunë në rrezik jetët e artistëve që ishin brenda vilës së Enver Hoxhës gjatë sulmit me molotovë të organizuar nga militantët e Berishës.
Në Vilën 31 ku u hodhën bomba molotov të cilat rrezikuan sigurinë e personave që ndodheshin brenda godinës që shërben si selia e fondacionit Art Explora.
Si pasojë e shpërthimeve u shkaktuan edhe dëmtime në godinë.
Lini një Përgjigje