FLASH
Shkruar nga Pamfleti
Policia ka lëshuar masë arresti edhe ndaj Xhevi Ndokës, vëllait të ish-deputetit socialist Arben Ndoka. Ndërsa ky i fundit është shpallur në kërkim në kuadër të operacionit të SPAK të zhvilluar ditën e sotme.
Xhevi Ndokës iu komunikua masa e sigurisë në qeli, duke qenë se ndodhet në burg pasi është dënuar nga Apeli i GJKKO si pjesë e grupit që tjetërsoi 234 mijë metra katrorë tokë në zonën e Ranës së Hedhun.
Apeli i GJKKO ka dënuar Xhevi Ndokën në total me 10 vite burg, ndërsa po për këtë çështje është dënuar me 5 vite e 4 muaj burg edhe e motra Mimoza Ndoka.
Kujtojmë se për çështjen e tjetërsimit të pronave në Shëngjin është dënuar edhe ish kryetari i bashkisë së Lezhës, me Partinë Demokratike Fran Frrokaj. Ish-kryebashkiaku i Lezhës Fran Frrokaj u arrestua në muajin mars të vitit 2018 me akuzën e shpërdorimit të detyrës.
Hetimet për tjetërsimin e pronave në bregdetin e Shëngjinit nisën në 2017 kur një qytetar denoncoi se toka e tij rezultonte në hipotekë në emër të disa familjeve të tjera. Prokuroria zbuloi një sipërfaqe të madhe toke prej 234 mijë metrash katrorë tokë në zonën e Ranës së Hedhun që ishte përfituar përmes falsifikimit të dokumenteve.
Lini një Përgjigje