FLASH
Shkruar nga Pamfleti
Një email ka alarmuar disa shkolla të Tiranës, pasi shkruante për alarm për bombë dhe u kërkonte nxënësve të dilnin jashtë.
Bëhet me dije se policia ka kryer kontrolle dhe nuk është konstatuar asgjë. Mendohet se kemi të bëjmë me një sulm kibernetik.
E-mail ka shkuar në adresën e disa shkollave në Tiranë.
Policia po heton se kush është personi që ka dërguar e-mail. Email-i i është dërguar Shkollës ‘Katund i Ri’, ku bëhen thirrje radikale për dhunë dhe gjak.
E-maili është dërguar mëngjesin e sotëm në orën 04:15 tek adresa '[email protected]'. Personi që e ka dërguar ka shkruar me përmbajtje të ekstremizmit fetar islamik duke kërcënuar këdo që do e pengojë, në qëllimin dhe targetin e tyre që mesa duket janë mësuesit, të cilët janë kërcënuar rëndë.
Megjithatë mbetet e dyshimtë autenticiteti i këtij e-mail, pasi siç dihet kohët e fundit, Shqipëria ka qenë nën valën e një sulmi kibernetik nga Irani.
Gjithashtu mësohet se kontrolle nga policia ka pasur dhe në dy shkolla të tjera 9-vjeçare në Tiranë. Bëhet fjalë për shkollën 'Vaçe Zela' në rrugën Eshref Frashëri dhe në shkollën 'Gustav Majer' në rrugën Frosina Plaku, pranë 21-dhjetorit. Sakaq, kontrolle ka pasur edhe në gjimnazin 'Sami Frashëri' në kryeqytet.
Pas kontrolleve të policisë, mësimi vijon normalisht.
Lini një Përgjigje