FLASH
Shkruar nga Pamfleti
Policia e Shkodrës po vijon hetimet për identifikimin dhe kapjen e autorit që sulmoi me sende të forta drejtorin e AKU-së në Shkodër, Ramir Haderi, gjatë mbrëmjes së kaluar.
Sipas burimeve, Haderi ka pësuar dëmtime në kokë, por ndodhet jashtë rrezikut për jetën, pasi nuk ka marrë plagë në organet jetësore.
Në dëshminë e tij para uniformave blu, ai ka deklaruar se nuk ka mundur ta identifikojë personin që e ka goditur me levë, ndërsa ka pohuar se nuk ka konflikte me persona të tjerë.
Ndërkohë, policia ka sekuestruar pamjet e kamerave të sigurisë në zonën ku ndodhi ngjarja, por deri më tani ato nuk kanë ndihmuar në identifikimin e autorit.
Grupi hetimor po vijon punën për zbardhjen e plotë të rrethanave të sulmit dhe vënien para drejtësisë të autorit.
Lini një Përgjigje