FLASH
Shkruar nga Pamfleti
Në mënyrë skandaloze, SPAK dhe BKH kanë ushtruar sot presion dhe terror ndaj gazetarit Elton Qyno dhe familjes së tij...
Gazetarët janë solidarizuar sot me kolegun e tyre Elton Qyno, i cili i mbajt për 10 orë nga SPAK.
Prokurorët i kanë kërkuar të tregojë burimet e tij të informacionit. Gjithashtu, oficerët e SPAK dhe të BKH kanë shkuar në banesën e gazetarit, duke ushtruar kontroll në sy të fëmijëve të tij të mitur.
Kolegët e tij kanë reaguar në rrjetet sociale, të cilët shprehet kundër këtij vendimi duke e cilësuar si krim dhe sulm ndaj medias.
Një prej tyre, Klodian Tomorri kërkon që të sanksionohet në Kushtetutë mbrojtja e gazetarit për të mos nxjerrë burimin. Ndërsa gazetari Zylyftar Bregu shprehet se kontrolli i banesës së tij tregon rrezikun e lirisë së mediave.
Gazetari Gjergj Zefi shprehet se tentativa për të nxjerrë burimin me anë të presionit apo forcës së ligjit, nuk është gjë tjetër veçse një tejkalim ligjor, e mbi të gjitha një cënim i rëndë i standardeve të lirisë dhe hapësirës mediatike.
Gjergj Zefi: Tentativa për të nxjerrë burimin me anë të presionit apo forcës së ligjit, nuk është gjë tjetër veçse një tejkalim ligjor, e mbi të gjitha një cënim i rëndë i standardeve të lirisë dhe hapësirës mediatike...
Edhe në të drejtën zakonore shqiptare thuhet qartë dhe prerë në çdo kanun mesjetar: “Lajmësi nuk ka faj”. Ndaj duhet të reagojnë menjëherë organizatat e gazetarëve e mbi të gjitha ambasada e SHBA dhe e BE.
Klodian Tomorri: Vetëm vrasësi të shtrëngon për të nxjerrë burimin.
Nëse arsyeja e ndalimit të kolegut Elton Qyno është me të vërtetë shantazhi për të nxjerrë burimin e informacioneve që ai ka publikuar, ky është precedenti më kriminal dhe sulmi më i rrezikshëm që i është bërë ndonjëherë medias në Shqipëri.
Ai prokuror që kercënon gazetarin të nxjerrë burimin është turpi i drejtësisë së re, drejtësisë së vjetër dhe çfarëdo drejtësie në bote.
Burimi i beson jetën gazetarit. Ai që t ë shtrërngon për të nxjerrë burimin është as më shumë dhe as më pak, por vrasës.
Të sanksionohet në Kushtetutë mbrojtja e gazetarit për të mos nxjerrë burimin. Shprehimisht.
Se me sa duket neni që garonton lirinë e shtypit nuk po i mjafton prokurorisë.
Zylyftar Bregu: E paprecedentë e me shumë pasoja procedura e shoqërimit të një gazetari në mjediset e SPAK.
I rrezikshëm për lirinë e medias kontrolli i banesës së tij!
Duhet reagim i menjëhershëm dhe i fortë!
Sokol Çobo: SPAK-u duhet urgjentisht të sqarojë shoqërimin /ndalimin/ arrestimin e Elton Qynos. Nëse është arsyeja e nxjerrjes së sekretit hetimor, së pari duhet të arrestohen vetë prokurorët dhe hetuesit.
Cenim i rëndë kontrolli i banesës (për sekretet hetimore) së Elton Qynos.
Esiona Konomi: Pavarësisht respektit të plotë për punën e çdo institucioni të drejtësisë, sidomos të SPAK, shoqërimi, ndalimi apo procedimi i gazetarit Elton Qyno është shqetësues.
Rrethanat e paqarta që lidhen me këtë proces mbartin rrezik për cënimin e fjalës së lirë dhe dekurajojnë gazetarinë investiguese.
Mungesa e informacionit e bëjnë të pamundur dallimin mes shenjtërisë së mbrojtjes së burimit dhe konsumimin e veprës së nxjerrjes së sekretit hetimor.
Në çdo rast, mbajtja e kolegut Qyno kaq gjatë dhe mungesa e transparencës për arsyet, krijojnë panik për familjen e tij e cila është kontrolluar në banesë dhe sjellin shqetësim tek gazetarët.
Mbase dimë pak mbi këtë “histori”, por SPAK-ut i shkojnë përshtat veprime proporcionale e transparente.
Në të njëjtën kohë, për ne si gazetarë ka rëndësi një raportim me etikë e në respektim të ligjeve të fuqi.
Anila Hoxha: Kontrollohet shtëpia e gazetarit Elton Qyno për nxjerrje të sekretit hetimor !
Jam me Elton Qynon dhe me çdo gazetar që i shërben publikut dhe të vërtetës.
Ermal Vija: Nëse Elton Qyno ka nxjerrë sekretin hetimor, Gjykata duhet të urdhëronte kontroll në banesat e prokurorëve!
Adriatik Doçi: Lajmësi mbrohet edhe me kanunë. Ka edhe një vendim të Strasburgut që kufizon SPAK-un për të ndërhyrë në kompjuterat dhe telefonat e gazetarëve, me qëllim për të zbuluar burimet.
I bëj thirrje kreu të SPAK-ut Altin Dumanit dhe drejtueses së BKH-së Aida Hajna të lënë të lirë kolegun dhe shokun tonë Elton Qyno, një nga gazetarët më të vërtetë dhe të ndershëm, i cili mbahet në BKH me forcë që nga ora 11:00 e ditës së sotme. Misioni i gazetarit është të ekspozojë informacion me interes publik.
Nuk është detyrë e gazetarit të ruajë sekretet hetimore. Sekretet ruhet nga ata që parashikon ligji. Nuk arrestojnë dhëndrin e Berishës që cicëron duke sharë dhe fyer SPAK çdo ditë, por merren me Elton Qynon. Me këto veprime arbitrare SPAK dhe BKH po humbet mbështetjen mediatike.
Flamur Vezaj: Elton Qyno sot eshte mbajt peng per gati 8 ore! Kjo pengmarrje Nuk eshte kryer nga kriminel Por nga ata qe marrin rrogen nga taksat e Eltonit! Prokurori Behar Dibra dhe disa oficer te BKH-se, e kane mbajt peng, duke kercenuar, shantazhuar e torturuar psikologjikishte, me te vetmin qellim pse ushtron detyren e GAZETARIT! Per 8 ore kane ushtruar presion per te vetmin qellim, duke i kerkuar burimin e informacionit dhe ndalimin per te ushtruar detyren e GAZETARIT! Kjo Eshte e turpshme!
Pas pengmarrjes disa oresh, prokurori Behar Dibra ka gjete mbeshtetjen e gjyqtares Atlanta Zeqiraj, e cila ka vendosur ti kontrollohet shtepia, zyra (kompjuteri punes) dhe makina kolegut Qyno, per ti sekuestruar materialet e dosjes Dhe deshmise se Nuredin Dumanit, nje vrasesi te penduar!
Pra me vendim te gjyqtares Zeqiraj, pa pranin e avokatit, i jane terrorizuar dy femijet gjate kontrollit te baneses, ku i kane sekuestruar disa vendime te gjykates per dosjen Dumani! Me pas Edhe ne zyre e makine te njejtin veprim! Pra me vendim te gjyqtares Zeqiraj kolegu Qyno I mbyllin gojen! Ky Eshte Nje veprim I rrezikshem Dhe kercenues ndaj fjales se lire Dhe punes se Kolegut Qyno!
Lini një Përgjigje