
Deputetja e PL-së, Erisa Xhixho ka folur pas ndalimit nga SPAK dhe mbajtjen prej 10 orësh të gazetarit Elton Qyno ku i kërkohet burimi i informacionit.
Xhixho tha se është një ngjarje e rëndë dhe se SPAK duhet të bëjë një shpjegim publik se si një person në kryerjen e detyrës përndiqet pa asnjë lloj procedure ligjore.
"Lajmin po e shihja duke ardhur në studio. Padyshim që u shokova në sensin kur ju e raportuat se nuk ka letra nuk ka zhvillim të asnjë procedure.
Prej 10 orësh ky gazetar merret në pyetje dhe bëhet kontroll i banesës në sy të fëmijëve. SPAK duhet të bëjë një shpjegim publik se si një person në kryerjen e detyrës përndiqet në këtë mënyrë pa asnjë lloj letre apo procedure ligjore.
Në Shqipëri gazetaria nuk është e lehtë. Është një ngjarje e rëndë’’, tha Xhixho për “Ora News”.
Lini një Përgjigje