FLASH
Shkruar nga Pamfleti
Deputeti socialist Erion Braçe ka reaguar ashpër ndaj dhunës që është ushtruar ndaj një të moshuara në Divjakë, ku dy grabitësit i janë futur brenda në shtëpi dhe e kanë dhunuar. Më pas i kanë vjedhur edhe bizhuteritë e floririt.
Braçe thotë se është një trup që grabitësit ishin nga i njëjti fshat, ku edhe pse e dinin se e moshuara ishte e vetme dhe e pambrojtur.
"Nëna në foto është Rahime Dardha, barbarisht e dhunuar! Është nga Shenepremte, Divjake. Tre ditë më parë, dy horra po nga ky fshat, kanë hyrë dhunshëm në shtëpinë e saj, për të vjedhur, kanë vjedhur gjithçka gjetën. 82 vjeç, e vetme, i ka rezistuar grabitësve, të cilët e kanë dhunuar barbarisht, katandisur kështu siç e shihni!
Nga momenti i parë i ngjarjes deri dje në mbrëmje vonë, Policia në Divjakë ka kryer çdo veprim të paraparë nga ligji, për të vënë në pranga grabitësit. Dje në mbrëmje vonë janë lidhur me pranga, që të dy. Me ta janë gjetur edhe materialet e vjedhura. Shumë shumë faleminderit Policisë së Divjakës!
Në anën tjetër. Siç thashë, të dy grabitësit janë nga i njëjti fshat, fqinje domethënë; me turp nuk ka!
Të dish sa vjeç është, të dish që është e vetme dhe e pambrojtur dhe ta dhunosh kështu, nuk ka ndodhur kurrë më parë, kurrë në atë fshat! Mezi pres që fshati të reflektojë ndaj një barbarie të tillë", shkruan Braçe.
Lini një Përgjigje