FLASH
Shkruar nga Pamfleti
Vllaznia vazhdon të shkruajë historinë në futbollin e femrave në Shqipëri. Skuadra shkodrane është shpallur kampione e vendit për të 13-in sezon radhazi, pasi mposhti Apoloninë në finalen e zhvilluar në stadiumin “Selman Stërmasi”.
Dominimi i vajzave të Vllaznisë gjatë këtij sezoni ka qenë i padiskutueshëm. Ekipi e mbylli kampionatin me 15 fitore dhe vetëm një barazim, ndërsa regjistroi një golavarazh mbresëlënës prej 124 golash të shënuar dhe vetëm 3 të pësuar.
Në fazën “Final 4”, Vllaznia siguroi fillimisht kualifikimin në finale pas fitores së thellë 6-1 ndaj Gramshit. Në ndeshjen vendimtare për titullin, shkodranet triumfuan ndaj Apolonisë falë golave të Doçit në pjesën e parë dhe Dedës në pjesën e dytë.
Me këtë sukses, Vllaznia siguron jo vetëm trofeun e 13-të radhazi kampion, por edhe pjesëmarrjen në turin e dytë kualifikues të Ligës së Kampioneve, ku do të renditet në vazon e skuadrave favorite gjatë shortit.
Edhe Apolonia do të përfaqësojë Shqipërinë në arenën europiane. Skuadra fierake do të marrë pjesë në turin e dytë kualifikues të Ligës së Kampioneve në rrugëtimin e ekipeve jo-kampione, ku do të pozicionohet në vazon e skuadrave jofavorite.
Lini një Përgjigje