FLASH
Shkruar nga Pamfleti
Në “Loro Boriçi”, Vllaznia dhe Elbasani dhuruan spektakël, në një sfidë ku u shënuan 6 gola brenda kohës së rregullt. Në minutën e 15, Vllaznia kaloi në avantazh pas autogolit të Bruno Lilës. Xhonathan Lajthia barazoi shifrat për miqtë në minutën e 25, me rezultatin 1-1 u mbyll pjesa e parë.
Pjesa e dytë nisi direkt me gol, ishte sërish Lajthia që shënoi për Elbasanin. Shkodranët u kundërpërgjigjën shpejt duke barazuar shifrat pas 5 minutash, goditja e Gurishtës u devijua nga Musta dhe topi përfundoi në rrjetë.
Festa e madhe për shkodranët erdhi në minutat shtesë, me golin e shënuar nga Ardit Krymi. Por festa e tyre zgjati shumë pak, pasi miqtë barazuan shifrat në minutën e 96, me Olberkis, i cili shënoi me kokë pas topit të ardhur nga goditja e këndit.
Ndeshja shkoi në shtesë, duke qenë se sfida e parë kishte përfunduar edhe ajo në barazim, por pa gola. Shtesa prej 30 minutash nuk solli ndryshim të rezultatit dhe dy ekipet iu drejtuan penalltive.
Nga pika e bardhë ishin lojtarët e Vllaznisë ata që u treguan më të saktë, duke fituar me shifrat 5-4, duke u kualifikuar kështu për në gjysmëfinale.
Lini një Përgjigje