FLASH
Shkruar nga Pamfleti
Rita Ora performoi në një koncert në Hungari para disa ditësh, por një veprim i këngëtares me famë botërore mori vëmendjen e të gjithë shqiptarëve.
Në fakt u shkaktua shumë bujë në rrjetet sociale, pasi gjatë performancës së saj, Rita mori nga një fans flamurin serb. Këngëtarja e vendosi mbi kokë, ndërsa nuk ngurroi edhe ta valëviste. Për këtë akt reagoi menjëherë këngëtarja me famë botërore, duke theksuar se nuk e kishte venë re se kishte në duar flamurin serb, pasi ka menduar se po mbante atë hungarez.
Për këtë “incident” ka reaguar edhe ish-kapiteni i Kombëtares, Lorik Cana, i cili me anë të një “story” në Instagram, ka shprehur mbështetje për Rita Orën.
Cana ka zgjedhur një foto nga fëmijëria e Rita Orës, aty ku ajo shihet e veshur me veshje kombëtare dhe me simbole të flamurit shqiptar. Foton e ka shoqëruar me një yll, duke treguar në këtë mënyrë se e ka mirëkuptuar veprimin e këngëtares.
Lini një Përgjigje