FLASH
Shkruar nga Pamfleti
Sulmuesi anglez Xhek Diamond po kalon një moment të vështirë në karrierën e tij, pasi akuzohet për përdhunim. Sulmuesi 23-vjeçar ka dalë ditët e fundit para gjykatës në lidhje me akuzat, që e përfshijnë atë në përdhunimin e një vajze, por në dy raste të ndryshme.
Sikur të mos mjaftonin vetëm hetimet dhe seancat gjyqësore që ka, Diamond është përjashtuar edhe nga skuadrat e tij. Kartonin e futbollistit e ka Sandërlendi, por e kishte huazuar te Linkolni, huazim i cili është ndërprerë.
Menjëherë pasi u publikua ky lajm, drejtuesit e Linkolnit e kanë larguar futbollistin duke e rikthyer te Sandërlendi, por as këta të fundit nuk e kanë pranuar. Sandërlendi e ka pezulluar deri në momentin që do të merret një vendim përfundimtar për të dhe në rast se shpallet i pafajshëm, ai do ta ketë derën të hapur.
Lini një Përgjigje