FLASH
Shkruar nga Pamfleti
Një tifoz futbolli fluturoi më shumë se 12870 km nga Kina për të parë ndeshjen e ekipit të tij të preferuar, por sfida zgjati vetëm 9 minuta. Mësuesi Andi Bebington dhe tifozët e tjerë të Boltonit panë vetëm nëntë minuta ndeshje në Ligën Një në Angli kundër Kembrixh. Shiu i dendur bëri që fusha të mbulohej nga uji, duke bërë që ndeshja të ndërpritej rreth orës 20:10.
“Ishte pak makth për të qenë i sinqertë,” tha Bebington, i cili ishte në një udhëtim dy javor në shtëpi në Mbretërinë e Bashkuar. Fansja, me origjinë nga Kersli, shkroi në Twitter: “Duhet të qesh ose përndryshe do të qaj”.
“Unë kam dhënë mësim anglisht në Kinë për pesë vitet e fundit – kjo kohë e vitit është Viti i Ri Kinez, kështu që mund të kemi dy javë pushim,” tha ai. Z. Bebington, i cili është i vendosur në qytetin e Suzhu, 30 minuta larg nga Shangai, vendosi të shikojë anën e mirë sepse “gjëra më të këqija mund të ndodhin”.
Ai shtoi: “Natyrisht që nuk do të shkoj në ndeshjen e riorganizuar, por shpresoj të shkoj në ndeshjen në shtëpi me Uajkombe javën e ardhshme”. Bebington gjithashtu shpresonte të merrte një biletë për ndeshjen e klubit jashtë fushe në Northempton të shtunën.
Lini një Përgjigje