FLASH
Shkruar nga Pamfleti
Orges Shehi ka dalë trajner i lirë, me durrsakun që nuk është më nën kontratë nga Tirana. Mësohet se tekniku ka fituar gjyqin me FSHF-në në Dhomën Kombëtare të Zgjidhjes së Konflikteve, i cili tashmë nuk është më i pezulluar.
Gjithashtu, ai është paguar deri në tetor kur ka qenë në detyrë dhe jo për një vit të plotë sa pretendoi në fillim. Tashmë Shehi është një trajner i lirë dhe mund të firmosë me cilin klub të dojë, teksa në skenë për të kanë dalë Partizani dhe Shkëndija e Tetovës.
Ishte rasti i parë në historinë e futbollit shqiptar që një klub pezullonte trajnerin dhe do ta paguante gjatë gjithë sezonit deri në përfundim të kontratës, por Shehi këtë vendim e ankimoi dhe tashmë është i lirë.
Gjithashtu ai ka fituar rreth 30 milionë lekë nga 90 që ka pretenduar, me rrogën 1 milionë lekë të vjetra deri në maj dhe afërisht 19 milionë lekë për performacen që e ka pasur në kontrate.
Lini një Përgjigje