FLASH
Shkruar nga Pamfleti
Në vitin 1980, pas derbit të “Madoninna”-s humbi jetën një tifoz zikaltër, si pasojë e përplasjes mes dy tifozërive. Duke dashur të shmangnin humbje të tjera jetësh në të ardhmen, ultrasit e Milanit dhe të Interit nënshkruan një “traktat”, i cili vijon të jetë në fuqi sot e kësaj dite.
Në bazë të atij akordi, lejohen ngacmimet për ekipet, por jo talljet e lojtarëve për tifozët. Ajo marrëveshje 44-vjeçare mbajti ujërat e qeta edhe dje në mbrëmje duke mos shënuar incidente domethënëse. Ndërkohë si pasojë e së njëjtës marrëveshje, pak kohë më parë, Federiko Dimarko kërkoi falje publike si pasojë e një talljeje (Milanist llafazan) të drejtuar tifozërisë kuqezi.
Për t’u shënuar nisma e dy tifozërive që para derbit kanë grumbulluar ushqime për të pastrehët dhe ia kanë dorëzuar fondacioneve bamirëse.
Lini një Përgjigje