FLASH
Shkruar nga Pamfleti
Sulmuesi serb Luka Joviç e mbylli sezonin e tij të parë me AEK-un me paraqitje pozitive, ndërsa theksoi se forca kryesore e skuadrës qendron tek uniteti i grupit, pavarësisht origjinës së lojtarëve.
Në një deklaratë për mediat, Joviç la të kuptohet se ka marrëdhënie shumë të mira me portierin shqiptar Thomas Strakosha dhe mbrojtësin kroat Domagoj Vida, duke nënvizuar se për të karakteri i njeriut ka më shumë rëndësi sesa kombësia.
“Është e vërtetë. E kam thënë edhe më parë dhe kjo u konfirmua, ne jemi një grup që ka qendruar bashkë që nga fillimi. Unë i ndaj njerëzit në të mirë dhe të këqij. Nuk shoh nëse dikush është shqiptar apo kroat.
Në fund të fundit, kam shumë miq kroatë, trajneri im privat është nga Kroacia, ndërsa agjenti im ka qenë Fali Ramadani, nga Maqedonia. Pra, njerëzit i ndaj vetëm në të mirë dhe të këqij, dhe këtu mbaron historia për mua”, deklaroi Joviç.
Lini një Përgjigje