FLASH
Shkruar nga Pamfleti
Ëndrra e tifozëve të Dinamos së Zagrebit për të parë një ish-Kampion Bote në drejtimin e skuadrës së tyre nuk është bërë realitet. Klubi i njohur kroat gjithsesi ka vendosur një tjetër emër të njohur në drejtimin e skuadrës nga e cila ishte shkarkuar Sergej Jakiroviç, pas humbjes turpëruese 9-2 me Bajernin e Mynihut në Ligën e Kampioneve.
Kanavaro kishte qenë në diskutime me kroatët, por në fund nuk gjeti akordin me ta. Dhe drejtuesit sollën në klub një tjetër emër të njohur, teknikun kroat Nenad Bjelica, i cili në të kaluarën e ka drejtuar klubin në vitet 2018-2020.
Trajneri i cili do të drejtojë Arbër Hoxhën, ka bërë një karrierë mjaft të suksesshme jashtë Kroacisë dhe së fundmi ka qenë në pankinën e Unionit të Berlinit në Bundesligë. Ai ishte ende nën kontratë me këtë klub deri dje, ndonëse ishte larguar nga drejtuesit në majin e këtij viti. Por sot ai ka prishur kontratën dhe ka firmosur marrëveshjen me Dinamon e Zagrebit, duke u kthyer kësisoj në klubin ku ka fituar 2 tituj kampion si trajner.
Emri i Bjelica qarkulloi në të gjitha mediat botërore në sezonin e kaluar pas një përplasje që pati me Leroi Sane të Bajernit të Mynihut, pasi i vuri duart në fytyrë futbollistit gjerman.
View this post on Instagram
Lini një Përgjigje