FLASH
Shkruar nga Pamfleti
Shqipëria dhe Serbia pritet të organizojnë së bashku Kampionatin Evropian të U-21 për meshkuj në vitin 2027.
Lajmi u bë i ditur nga “Associated Press”, që njoftoi se UEFA ka bërë të ditur se vetëm oferta Serbi-Shqipëri përmbushi afatet e përcaktuarat për të paraqitur planet e detajuara të turneut.
Belgjika dhe Turqia kishin shprehur interes më herët për procesin e tenderimit të planifikuar për t'u vendosur në një takim të 16 dhjetorit të komitetit ekzekutiv të UEFA-s.
FSHF-ja dhe Federatat serbe e futbollit u bashkuan në maj për të planifikuar organizimin e turneut me 16 ekipe që luhet çdo dy vjet, i cili ka nevojë për tetë stadiume për të pritur 31 ndeshje.
Udhëheqësi i Federatës Shqiptare të Futbollit, Armand Duka, i cili është nënkryetar i UEFA-s, i tha Associated Press në maj se "është një projekt 100% futbollistik" me "një mesazh shumë të mirë politik që mund ta përçojmë".
Kongresi i ardhshëm vjetor i 55 federatave kombëtare të UEFA-s është në Beograd më 3 prill, ndërsa një mbledhje e komitetit ekzekutiv pritet të mbahet në shtator 2025 në Tiranë.
Lini një Përgjigje