FLASH
Shkruar nga Pamfleti
Sylvio Mendes Campos Junior, i njohur si Sylvinho, do drejtojë kombëtaren shqiptare të futbollit në “EURO “2024”. 50-vjeçari prej janarit të vitit 2023 është pjesë e stolit kuqezi, dhe ia doli të dërgonte ekipin për herë të dytë në një event madhor.
Në fundin e korrikut të këtij viti, përfundon kontrata e tij me Shqipërinë, teksa FSHF i ka ofruar rinovimin me shpresën se kuqezinjtë do jenë edhe në fazën finale të Botërorit 2026, që do të zhvillohet në SHBA, Meksikë dhe Kanada.
Trajneri brazilian ende nuk e ka vendosur firmën mbi kontratën e re dhe me gjasë do presë aventurën në Gjermani për të marrë vendimin përfundimtar. Fakt është se trajneri ka shumë fansa në Evropë dhe jo vetëm, andaj një kontratë profesionalisht më e mirë në një klub është rrezik që Sylvinho të largohet nga Kombëtarja.
E mira e gjithë kësaj është se FSHF ia ka bërë të qartë trajnerit se puna e tij është vlerësuar dhe rinovimi është mbi tryezë. Topi këtë anë është nga ana e Sylvinhos.
Lini një Përgjigje