FLASH
Shkruar nga Pamfleti
Sezoni 2025-2026 nuk po rezulton ndër më të mirët për Kristjan Asllanin. Mesfushori i Kombëtares shqiptare është përballur me vështirësi të shumta, pas dy huazimeve radhazi nga Interi, fillimisht te Torino dhe më pas te Beshiktashi. Performancat e tij kanë ngritur pikëpyetje mbi të ardhmen.
Asllani e nisi sezonin në huazim te Torino, por nuk arriti të përshtatet. Sipas raportimeve, forma e tij nuk bindi drejtuesit e klubit, duke çuar në ndërprerjen e parakohshme të marrëveshjes. Kjo e detyroi Interin të kërkonte një alternativë tjetër për zhvillimin e lojtarit.
Në fund të merkatos së janarit, mesfushori shqiptar u transferua te Beshiktashi, sërish në formë huazimi. Megjithatë, debutimi i tij ishte negativ: ai u aktivizua si zëvendësues në minutën e 76-të kundër Koniasporit dhe u ndëshkua me karton të kuq vetëm shtatë minuta më vonë, duke marrë edhe një pezullim prej dy ndeshjesh.
Pas rikthimit në fushë, Asllani ka pasur më shumë minuta si titullar, por statistikat mbeten modeste:
8 ndeshje të luajtura dhe 1 asist. Këto shifra nuk kanë bindur plotësisht drejtuesit e klubit turk.
Sipas “Gazzetta dello Sport”, sezoni i Asllanit konsiderohet negativ, sidomos në raport me pritshmëritë që kishte Interi kur e transferoi nga Empoli si një pasues potencial i Hakan Çalhanoglu. Media italiane thekson se lojtari nuk ka arritur të përballojë presionin në nivele të larta.
Sipas të njëjtave burime, Beshiktashi pritet të mos ushtrojë opsionin e blerjes prej rreth 12 milionë eurosh. Asllani mund të rikthehet tek Interi në verë. E ardhmja e tij mbetet e hapur dhe e paqartë
Lini një Përgjigje