FLASH
Shkruar nga Pamfleti
Jo vetëm kombëtarja e madhe, por edhe Shpresat janë gati për të shkruar historinë. Pas humbjes me Finlandën, Shqipëria U-21 ka mposhtur me rezultatin e pastër 2-0 Malin e Zi U-21 në ndeshjen e vlefshme për kualifikueset e “EURO 2025”. Ndeshja e cila u luajt në “Arena Egnatia” u zhbllokua në minutën e 27. Medon Berisha u tregua i saktë nga pika e bardhë e penalltisë.
Në minutën e 38, miqtë mbetën me 10 lojtarë. Bajoviç ndërhyri ndaj Berishës dhe u ndëshkua me kartonin e verdhë. Ai mori kartonin e dytë të verdhë dhe u largua nga fusha e lojës me kartonin e kuq.
Në minutën e 67, Stiven Shpendi goditi drejt portës, por portieri malazez e ndali në momentin e funfit predhën e sulmuesit kuqezi.
3 minuta më vonë, Shpendi goditi sërish, por shtylla i mohoi golin e sigurt.
Në minutën e 73 erdhi edhe goli i sigurisë për ekipin e Alban Bushit. Rexhepi krosoi drejt Shpendit, ku ky i fundit nuk fali para portës.
Me këtë fitore, Shqipëria U-21 ngjitet përkohësisht në vendin e parë me 9 pikë, ndërsa Mali i Zi U-21 mban vendin e 5 me 3 pikë.
Në ndeshjen e ardhshme, që do të luhet më 17 nëntor, kuqezinjtë e vegjël do të udhëtojnë drejt Bukureshtit, aty ku do të ndeshen me Rumaninë U-21. Ndeshja e parë mes këtyre dy skuadrave është mbyllur me fitoren e djemve tanë me rezultatin 3-2.
Lini një Përgjigje