FLASH
Shkruar nga Pamfleti
Partizani zhgënjen në ndeshjen e parë të raundit të dytë të Ligës së Konferencës. Të kuqtë janë mposhtur në transfertë nga Iberia me rezultatin e pastër 2-0 dhe janë me një këmbë jashtë këtij kompeticioni.
Gjeorgjianët kaluan në avantazh në minutën e 31 nga pika e bardhë e penalltisë. Mamageishvili u nis me një kundërsulm të shpejtë, shmangu një mbrojtës dhe pastaj Qirkon i cili e pengoi, teksa gjyqtari bëri shenjë nga pika e bardhë ku mesfushori i vendasve nuk gaboi.
Partizani e nisi pjesën e dytë në mënyrën më të keqe. Arinaldo Rrapaj la “Demat“ me 10 lojtarë, teksa u ndëshkua me kartonin e dytë të verdhë.
Në minutën e 57, vendasit realizuan edhe golin e dytë që i jep siguri për kaulfikimin në turin e tretë të Ligës së Konferencës.
Pas një aksioni nga e majta me topi që shkoi te Syla i cili e shtyu në rrjetë. Të kuqtë protestuan për pozicion jashtë loje, por gjyqtari bëri shenjë ngë qendra.
Ndeshja e kthimit mes këtyre dy ekipeve do të luhet javën e ardhshme më 1 gusht në “Elbasan Arena“ në orën 20:00.
Lini një Përgjigje