FLASH
Shkruar nga Pamfleti
Giorgi Mamardashvili ishte një nga heronjtë e Valencias në fitoren 2-1 përballë Realit të Madridit në ‘Santiago Bernabeu”. Ai u tregua vendimtar me disa pritje, por sidomos me atë të penalltisë së Vinicius në minutat e para të ndeshjes.
Pas sfidës, ai ka zbuluar se përveç tre pikëve, kishte dalë nga kjo ndeshje edhe 50 euro më i pasur, pasi kishte vënë bast me Vinicius gjatë momentit të gjuajtjes së penalltisë.
“Kisha një bisedë me Vinicius dhe i fitova 50 euro”, tha gjeorgjiani para gazetarëve pas përfundimit të ndeshjes, duke bërë që ata t’i kërkonin më shumë hollësi.
“Po, e pyeta nëse dëshironte të vinte bast 50 euro dhe më tha që po. E prita gjuajtjen dhe fitova. Duhej të ma paguante pas ndeshjes, por ende nuk m’i ka dhënë. Nuk ka problem”, tha gjeorgjiani duke qeshur.
Lini një Përgjigje