FLASH
Shkruar nga Pamfleti
Ditën e sotme Federata Shqiptare e futbollit ka zyrtarizuar qëndrimin e Sylvinhos dhe stafit të tij në Kombëtaren shqiptare.
FSHF dhe stafi i trajnerëve kanë nënshkruar deri në dhjetorin e vitit 2025.
Presidenti i FSHF-së, Armand Duka me anë të një postimi ka thënë se asnjëherë nuk është diskutuar pozicioni i Syvinhos.
Në shkrimin e tij, Duka tha se tash vëmendja është për të shkuar për herë të parë në Kupën e Botës.
“Projekti i nisur me trajnerin Sylvinho dhe stafin e tij, Zabaleta e Doriva, nuk mund të ndalej.
Në asnjë moment nuk kemi pasur dyshime për vazhdimësinë dhe tani edhe e kemi konkretizuar me hedhjen e firmës mbi kontratë, deri në dhjetor të vitit 2025.
Që në fillim kishim synim kualifikimin në Euro 2024 dhe ia dolëm. Tani e gjithë vëmendja është për të shkuar për herë të parë në Kupën e Botës.
Besimi se mund t’ia dalim është prezent dhe stafi teknik, futbollistët dhe e gjithë Federata do të punojnë për të arritur këtë qëllim”.
Para se të nis punën për kualifikueset e Kupës së Botës, Shqipëria fillimisht do të paraqitet në Ligën e Kombeve që nis në vjeshtë.
Lini një Përgjigje