FLASH
Shkruar nga Pamfleti
Transferimi nga PSG tek Al Hilal në Arabinë Saudite nuk ka rezultuar fatsjellës për Nejmarin, i cili gjatë angazhimit me kombëtaren para një muaji ka pësuar një dëmtim të rëndë, që fillimisht u dyshua se mund t’i kushtonte edhe karrierën. Sulmuesi brazilian po rikuperohet nga dëmtimi i rëndë që në gjuhën mjekësore sportive njihet si ACL-ja (ligamentet e kryqëzuara të përparme).
Ai po i nënshtrohet një terapie intensive rikuperuese. Nga një video që qarkullon në rrjetet sociale dëgjohet duke bërtitur nga dhimbjet e forta gjatë një terapie.
Nejmari dëmtoi ligamentet e kryqëzuara gjatë ndeshjes së Brazilit kundër Uruguajit, e vlefshme për kualifikueset e Kupës së Botës për zonën e Amerikës së Jugut. Nejmari i është nënshtruar operacionit dhe mendohet se do të jetë afro 10 muaj jashtë fushave të blerta. Ky dëmtim e kushtëzon brazilianin edhe te kontrata e nënshkruar me Al Hilal, pasi sauditët ia kanë pezulluar përkohësisht kontratën, ku përfitonte të ardhura marramendëse, deri 3 milionë euro në javë. Sezoni ka përfunduar për Nejmarin, por sulmuesi po bën të pamundurën dhe shpreson të jetë gati për Kupën e Amerikës Latine që zhvillohet verën e ardhshme.
Në rrjetet sociale është shfaqur një video e ushtrimeve rikuperuese, ku Nejmari bërtet nga dhimbjet e mëdha. “Ndalo, për hir të Zotit”, thërret mes lotësh, ndërsa stafi mjekësor i trajton këmbën.
Neymar during his rehabilitation process, don’t question this guys will to play. pic.twitter.com/haysUMloCK
— Neymoleque | Fan ???????? (@Neymoleque) November 24, 2023
Lini një Përgjigje