FLASH
Shkruar nga Pamfleti
Sulmuesi brazilian Nejmar është pranë kthimit në klubin ku mori famë, Santos, por me një rol të dyfishtë. Mediat braziliane spekulojnë prej kohësh që sulmuesi do të kthehet të mbyllë karrierën në klubin ku u formua si futbollist. Por më parë, do t’i duhet të zgjidhë telashet e kësaj skuadre.
Klubi i Santosit aktualisht gjendet në kategorinë e dytë braziliane me një mori borxhesh, rreth 130 milionë euro, ndaj rrezikon falimentimin dhe shpërbërjen. Kështu, ndërhyrja e Nejmarit sipas mediave braziliane, pritet të jetë e dyfishtë.
Ai mendohet që nëpërmjet të atit të blejë fillimisht klubin dhe ta shpëtojë atë, duke e kthyer në elitën e futbollit brazilian dhe duke shlyer borxhet e shumta. Më pas, në mbyllje të kontratës që ka me Al-Hilal në Arabinë Saudite, të kthehet aty që të luajë vitet e fundit të karrierës, me rolin e dyfishtë të lojtarit dhe pronarit.
Lini një Përgjigje