FLASH
Shkruar nga Pamfleti
Milani ka pësuar një humbje të rëndë në shtëpi përballë Udinezes, duke zbehur përfundimisht shpresat për titullin në Serinë A. Takimi i vlefshëm për javën e 32-të, i zhvilluar në “San Siro”, u mbyll me rezultatin 0-3 në favor të miqve.
Sfida u zhbllokua në minutën e 26-të pas një aksioni individual të Nikolo Zaniolos, i cili depërtoi në mbrojtjen e Milanit dhe shërbeu për Artur Ata. Goditja e këtij të fundit, e devijuar nga Davide Bartesagi, përfundoi në rrjetë, duke u regjistruar si autogol.
Udineze vijoi të ushtrojë presion dhe në minutën e 36-të iu afrua golit të dytë, por tentativa e Kenan Davis u ndal nga traversa. Vetëm dy minuta më vonë, skuadra mike dyfishoi rezultatin: pas një krosimi të Zaniolos, Jurgen Ekelenkamp shënoi me kokë për 0-2, rezultat me të cilin u mbyll edhe pjesa e parë.
Në pjesën e dytë, Milani nuk arriti të reagonte. Në minutën e 71-të, Artur Ata realizoi golin e tij të dytë personal dhe të tretin për Udinezen, pas një asisti nga Ekelenkamp, duke vulosur rezultatin përfundimtar 0-3.
Pas kësaj fitoreje, Udineze ngjitet në vendin e 10-të me 43 pikë. Milani, nga ana tjetër, mbetet në vendin e tretë me 63 pikë, duke humbur terren në garën për titull.
Lini një Përgjigje