FLASH
Shkruar nga Pamfleti
Është mbyllur në barazim pa gola supersfida mes Bajer Leverkusen dhe Bajernit të Mynihut. Granit Xhaka nuk ia ka dalë të fitojë ndaj bavarezëve.
Paqja mbizotëroi në duelin e titullit në Gjermani. Pavarësisht rasteve nga të dy palët, në fund të dy klubet e Bundesligës ndanë nga 1 pikë në një barazim të ftohtë 0-0.
Shqiptari që kishte theksuar një ditë para në një intervistë të faqes zyrtare të ligës gjermane se është i sigurtë për 3 pikët ndaj klubit nga Mynihu, sot nuk arriti këtë që donte. Xhaka luajti 90 minuta në rolin e tij të parapëlqyer, por duke mos arritur suksesin e dëshiruar.
Një distancë prej 8 pikësh që duket e vështirë të “kapërcehet” nga “Aspirinat”, ekipi i Alonsos duket se është dorëzuar që tani në garën për titull dhe këtë sezon do kënaqet me vendin e dytë.
Lini një Përgjigje