FLASH
Shkruar nga Pamfleti
Duel i çmendur me 7 gola, mes Ullverhempton dhe Mançester Junajtid, në sfidën që u fitua nga “Djajtë e Kuq” me rezultatin 3-4. Një duel që i pati të gjitha, teksa në fund ishte 18-vjeçari Maino që me golin e tij në minutën e 97 vendosi sfidën!
Pjesa e parë u mbyll me rezultatin 0-2 për Junajtid, falë golave të Rashford dhe Hojlund në minutat 5 dhe 22.
Në fragmentin e dytë të lojës u shënuan edhe 5 gola të tjerë. FIllimisht shënoi Sarabia në minutën e 71 nga pika e bardhë e penalltisë, ndërkohë që Mek Tominei, në minutën e 75, ngriti shifrat në 1-3.
Kur u mendua se gjithçka u bë e thjeshtë për “Djajtë e Kuq”, Kilman në minutën e 85ë dhe Neto në minutën e 90+5 barazuan përkohësisht shifrat, ndërkohë që për golin e fitores mendoi Maino në minutën e 90+7.
Falë këtij triumfi, Junajtid u ngjit në kuotën e 35 pikëve, duke mbajtur vendin e 7.
Lini një Përgjigje