FLASH
Shkruar nga Pamfleti
Përfundon “El Clasico”. Reali i Madridit ka bërë përmbysjen e madhe, teksa ka mposhtur Barcelonën dhe është kualifikuar në finale. Skuadra e drejtuar nga Karlo Ançeloti shkatërroi katalanasit me rezultatin 0-4.
Miqtë zhbllokuan shifrat në minutën e fundit të pjesës së parë. Pas një kundërsulmi të frikshëm, Vinisius gjuajti drejt portës aty ku ndodhej Benzema që çoi topin në rrjetë, por goli iu quhet brazilianit.
Në pjesën e dytë, më konkretisht në minutën e 50, katalanasit morën një tjetër goditje të rëndë, Karim Benzema mori një asist nga Modriç, i cili u fut bukur brenda zonës dhe përshëndeti rrjetën.
8 minuta më vonë, madrilenët trefishuan shifrat. Benzema nuk fali nga pika e bardhë e penalltisë.
Në minutën e 80, ishte sërish Benzema, i cili shpartalloi Barcelonën, duke realizuar golin e katërt dhe tripletën e tij personale në këtë ndeshje.
Finalja e “Copa Del Rey”, do të diskutohet mes Realit të Madridit dhe Osasunës.
Lini një Përgjigje