FLASH
Shkruar nga Pamfleti
Zambia rrezikon të pezullohet nga garat e FIFA-s, përfshirë kualifikueset e Kupës së Botës, për shkak të ndërhyrjes së dyshuar politike në zgjedhjet e federatës së futbollit të vendit.
Për Zambian, kampione e Afrikës 2012, u mendua se mund të vinte një vendim që kishte të bënte me zhvillimin e miqësores kundër Rusisë, por si duket shqetësimi kryesor i institucionit më të madh të futbollit qendron diku tjetër. Sipas asaj që shkruajnë mediat, gjithçka ka të bëjë me shkeljen e statuteve që ndalojnë përfshirjen politike në administrimin e futbollit.
Presidenti aktual Andreu Kamanga siguroi një mandat të tretë pasi të tetë kandidatët kundërshtarë u skualifikuan. Shqyrtimet e pavarura më vonë zbuluan se të paktën katër nga këto skualifikime ishin të pavlefshme, duke bërë që rezultatet e zgjedhjeve të anuloheshin dhe zgjedhjet e reja të planifikohen midis 15 dhe 29 marsit.
Lini një Përgjigje