FLASH
Shkruar nga Pamfleti
Kanë përfunduar dy nga tkaimet e javës së 16 në Premier Ligë. Në “Anfield Road”, Liverpuli fitoi 2-0 ndaj Brajtonit. Hugo Ekitike shënoi që në minutën e parë, pas një topi të larguar keq nga miqtë dhe pasimit me kokë të Xhoe Gomez.
Në minutën e 26 Xhoe Gomez u dëmtua dhe në vendin e tij hyri Mohamed Salah. Egjiptiani la pas tensionin e krijaur fundjavësn e kaluar pas barazimit dramatik 3-3 ndaj Lidsit dhe u rikthye në fushë, edhe pse sot nuk ishte projektuar si titullar.
Pjesa e parë u mbyll 1-0 për të kuqtë. Në minutën e 60, Salah krosoi nga këndi, Hugo Ekitike i pambuluar në zonë, shënoi me kokë golin e dytë. Pas kësaj fitoreje, Liverpuli renditet në vendin e gjashtë me 26 pikë, ndërkohë që Brajtoni mbetet në vendin e 9 me 23 pikë.
Në “Stamford Bridge”, Çelsi bëri detyrën duke fituar 2-0 ndaj Evertonit. Rezultati u zhbllokua nga goli i Kol Palmer në minutën e 20, pas asistit fantastik të Malo Gusto. Në fund të pjesës së parë, Malo Gusto dyfishoi shifrat pas asistit të Pedro Neto. Rezultati mbeti i pandryshuar deri në fund.
Pas kësaj fitoreje, Çelsi mban vendin e 4 me 28 pikë, ndërsa Evertoni në vendin e 8 me 24 pikë.
Lini një Përgjigje