FLASH
Shkruar nga Pamfleti
Mançester Siti do të përballet nesër me Sauthemptonin në orën 18:15, në kuadër të gjysmëfinales së Kupës FA, ndeshje që zhvillohet në stadiumin “Wembley”.
Para fillimit të takimit, trajneri i “Qytetarëve”, Pep Guardiola, është përballur me një episod të pazakontë në hyrje të stadiumit. Një tifoz i Arsenalit i është drejtuar drejtpërdrejt spanjollit, duke i kërkuar që të lejojë skuadrën londineze të fitojë titullin e Premier Ligës.
Në një video që po qarkullon gjerësisht në rrjetet sociale, tifozi dëgjohet të thotë: “Pep, lejoje Artetën të fitojë kampionatin, ti ke fituar mjaftueshëm. Lejoje Artetën të fitojë diçka. Të urrej, më ke shkatëruar jetën”.
Ndërkohë, gara për titullin në Angli mbetet e hapur. Kur kanë mbetur edhe pesë ndeshje nga përfundimi i sezonit, Mançester Siti dhe Arsenali ndajnë kryesimin me nga 70 pikë secili, duke rritur tensionin në javët e fundit të kampionatit.
View this post on Instagram
Lini një Përgjigje