FLASH
Shkruar nga Pamfleti
Kombëtarja e Argjentinës organizoi edhe një herë “asado”-n tradicionale një ditë para ndeshjes së fundit të fazës së grupeve ndaj Jordanisë, pasi ka siguruar tashmë vendin e parë në grupin e saj në Kupën e Botës.
“Asado argentino” është një traditë kulinare e njohur në Argjentinë, e lidhur kryesisht me festimet dhe ngjarjet e rëndësishme. Ekipi e kishte organizuar një aktivitet të ngjashëm edhe para ndeshjes me Austrinë, por këtë herë në përmasa më të mëdha.
Të gjithë futbollistët dhe stafi teknik u mblodhën në oborrin e qendrës stërvitore, ku zhvilluan ceremoninë tradicionale të gatimit. Portieri Emiliano Martinez ishte përgjegjësi kryesor për pjekjen e mishit, ndërsa Lautaro Martinez e ndihmoi gjatë përgatitjeve.
Sipas informacioneve të publikuara nga “Protothema.gr”, për këtë “asado” u përdorën më shumë se 500 kilogramë mish viçi.
Ngarkesa me mish u transportua nga Argjentina drejt Shteteve të Bashkuara, pasi organizimi i këtij aktiviteti ishte planifikuar prej muajsh. Dërgesa kaloi kontrolle të rrepta shëndetësore dhe doganore përpara se të mbërrinte në destinacion.
Menuja përfshinte meze tradicionale si djathi i pjekur në skarë (provolone), sallamra dhe mëlçi, ndërsa pjata kryesore përbëhej nga copa të ndryshme mishi viçi, përfshirë ribeye, diafragmën e viçit (skirt steak) dhe brinjët e pjekura./"Protothema.gr", përshtati në shqip Pamfleti
View this post on Instagram
Lini një Përgjigje