FLASH
Shkruar nga Pamfleti
Ararat Armenia barazoi 1-1 me Egnatian për turin e parë në Conference League. Ndeshja e zhvilluar në Yerevan pa vendasit të dilnin më të vendosur në fushë, teksa ndeshja u vendos me nga një gol në secilën pjesë.
Tentativa e parë serioze erdhi nga Dwamena, por gjuajtja e tij nuk gjeti kuadratin. Në minutën e 11-të, goditja e Kasës u neutralizua nga portieri rus, Vsevolod Ermakov. Ndërkohë në të 18-tën, Kasa shpërdoroi rastin e artë për të zhbllokuar ndeshjen, teksa gaboi i vetëm përballë portierit.
Kur nuk shënon e pëson dhe kështu ndodhi, pasi vendasit nga Armenia “tundën rrjetën” pak më vonë me Alemanon, falë një goditje të saktë me kokë. Skuadra nga Rrogozhina rrit presionin në pjesën e dytë, por të besuarit e Vardan Minasyan ishin mirë të vendosur në prapavijë, duke mos lejuar shumë hapësira.
Në minutën e 63-të, një mrekulli e portierit të Ararat-Armenia ndali një predhë të Dwamenas. Në limite, ky i fundit vendosi ekuilibrat, pas shumë rastesh. Takimi i kthimit, i cili vendos fatin e kualifikimit, luhet me 20 korrik.
Lini një Përgjigje