FLASH
Shkruar nga Pamfleti
Futbollisti legjendar gjerman, Mikael Balak ishte vërtetë i shkëlqyer në fushë dhe pakkush mund të bënte të njëjtën gjë me të. Por në botën e futbollit ai u kujtua si një humbës, ndoshta më i madhi ndonjëherë, duke marrë parasysh humbjet e shumta të pësuara në ndeshjet më të mëdha të karrierën e tij të pasur.
Si 21-vjeçar, ai arriti të fitonte titullin e Bundesligës kur ndodhi një nga mrekullitë më të mëdha në historinë e futbollit gjerman. Ishte sezoni 1997-1998.
Kaiserslaturen u shpall kampion i Gjermanisë për habinë e të gjithëve dhe Balak u quajt 'Kajzeri i vogël'. Ai u konsiderua trashëgimtari i vërtetë i të paharruarit Franc Bekenbauer. Më vonë ai luajti për Bajer Leverkusenin, Bajernin e Mynihut dhe Çelsin.
Balak përjetoi fiaskon e parë në vitin 2001. Më pas, si lojtar i Leverkusenit, ai humbi titujt e Bundesligës, Kupës së Gjermanisë dhe Champions League për dy javë. Fati nuk e ndoqi as te Bajerni i Mynihut. Ai fitoi Bundesligën, por në skenën ndërkombëtare ishte totalisht i pasuksesshëm me gjigantët gjermanë.
Kjo u pasua nga katër vite te çelsi, ku humbja në finalen e Champions League kundër Mançester Junajtid në vitin 2008 do të jetë më e vështira për të. Lotët e tij u përzien me shiun e Moskës dhe më pas bënë xhiron e botës së futbollit. Nuk pati fat as me kombëtaren gjermane. Ai ishte kapiteni i saj dhe humbi finalen e Kupës së Botës dhe “Euro 2008”. Disfata kundër Italisë në gjysmëfinalen e Kupës së Botës në vitin 2006, kur gjermanët pritën turneun, e lëndoi veçanërisht atë.
Në jetën e tij private, ai i pëlqente aventurat me femrat e martuara apo të zëna. Ish-shoku i skuadrës Kristian Lel e akuzoi atë, se u shkatërronte jetën të tjerëve.
“Balak hyn në jetën private të të tjerëve dhe i shkatërron ata pa e menduar. Nëse është kapiten i Gjermanisë, mendon se mund të bëjë çfarë të dojë”,- tha Lel pasi mësoi se Balak kishte fjetur me partneren e tij.
Goditjen më të rëndë dhe më të dhimbshme e pësoi në vitin 2021, kur i vdiq djali 18-vjeç Emilio dhe më pas u tërhoq në vetvete. Pasi u shërua mendërisht, filloi punën si analist i ndeshjeve të futbollit.
Lini një Përgjigje