FLASH
Shkruar nga Pamfleti
Përfundon pjesa e parë e ndeshjes së raundit të parë të Ligës së Konferencës. Egnatia është mundur në në transfertën armene, teksa është mundur nga Ararat Armenia me rezultatin minimal 1-0. Vendasit kaluan në avantazh në minutën e 36.
Rrogozhinasit u shfaqën të rrezikshëm me dy raste në minutat 9 dhe 11.
Në fillim Paulauskas la një top për Duamenën, por ky i fundit provoi me të majtën dhe tentativa e tij përfundoi jashtë portës.
2 minuta më vonë, Kasa kontrolloi mjaft mirë një top në zonë dhe tentoi me të majtën, por Ermakov arriti të ndalte topin.
Në minutën e 18, Kasa doli i vetëm përballë portierit, por tentativa e tij me të majtën përfundoi jashtë kuadratit. Trajneri i Egnatias, Edlir Tetova nuk i besoi rastin të humbur dhe vuri duart në kokë.
Në minutën e 36, Alemano provoi me kokë dhe gjeti rrjetën duke mposhtur portierin Sherri dhe mbrojtjen e Egnatias.
Rrogozhinasit do të provojnë të vazhdojnë ëndrrën e tyre pas një sezoni fanastik në Superiore, ku veç vendit të tretë në klasifikim arritën të fitonin edhe Kupën e Shqipërisë.
Lini një Përgjigje