FLASH
Shkruar nga Pamfleti
Një tifoz 51-vjeçar irlandez i Liverpulit humbi jetën mbrëmjen e djeshme pasi u godit nga disa makina, teksa po ecte në autostradë.
Shoferët që e përplasën ndaluan për të lajmëruar shërbimet e urgjencës.
Tifozi, i cili ishte vetëm, kishte zbritur disa orë më parë nga Mançesteri për të parë ndeshjen e Champions League kundër Milanit, të planifikuar për sonte në “San Siro”.
Mbi këtë çështje po hetojnë agjentët e policisë rrugore të Seriate.
Sipas rikonstruksioneve fillestare, 51 vjeçari, tifoz i Liverpulit duhej të flinte në një hotel që ndodhej pranë Oriocenter dhe për të arritur aty ishte ngjitur mbi gardhin që kufizon aeroportin nga autostrada.
Me të në momentin e aksidentit kanë qenë edhe dy persona të tjerë, të cilët më pas janë zhdukur dhe mund të denoncohen për mosdhënie të ndihmës.
Policia rrugore është në gjurmët e tyre.
Lini një Përgjigje