FLASH
Shkruar nga Pamfleti
Sheffield United arriti më në fund që të shënonte në tabelën e renditjes, pikët dyshifrore, pasi goditja e Oli McBurnie në minutën e 103-të siguroi një barazim dramatik 2-2 me West Ham United.
Asnjë skuadër e PL-së nuk ka mbijetuar ndonjëherë pasi ka marrë më pak se nëntë pikë nga 19 ndeshjet e para të një sezoni të ligës. Kjo është shkalla e vështirësisë me të cilën përballet trajneri i Sheffield, Chris Wilder, i cili pa skuadrën e tij të niste një fillim të fortë kundër West Ham-it, i cili shënoi në minutën e 28-të me anë të Kornet, i cili i dha avantazhin klubit londinez.
Përgjigja e Sheffield, do të vinte një minutë para fundit të pjesës së parë me anë të Brereton Diaz, i cili në të 44’, do të shënonte golin e barazimit. Kaq do të mjaftonte për pjesën e parë.
Me nisjen e pjesës së dytë sfida do të bëhej më e ashpër me të dyja skuadrat që kërkonin të mos dilnin pa pikë nga kjo ndeshje. Në minutën e 79’-të West Ham do të fitonte një penallti e cila do të kthehej në gol nga Ward-Prowse, i cili vulosi shifrat 1-2.
Sikur të mos mjaftonte kjo, drama u shtua për Sheffield United i cili në minutën e 93’-të, mbeti me 10 lojtarë pas ndëshkimit me të kuqe të Brewster R.
Atëherë kur gjërat dukeshin të mbyllura dhe mendohej se ndeshja do të përfundonte me rezultatin1-2 në favor të West Ham. ‘Karma’ goditi skuadrën londineze. Një karton i kuq ndaj Coufal V, në minutën e 97-të do t’i linte skuadrat me nga 10 lojtarë. Më pas në minutën e 103’ Sheffield do të fitonte një penallti që do të kthehej në gol nga, McBurnie i cili barazoi shifrat në 2-2 duke lënë tifozët e West Ham të shokuar.
Me këtë barazim, Sheffield United ndodhet në vendin e fundit me 10 pikë, ndërsa West Ham në vendin e 6-të me 35 pikë.
Lini një Përgjigje