FLASH
Shkruar nga Pamfleti
Italia ka barazuar 0-0 në miqësoren e luajtur ndaj Turqisë, në Bolonja. Në pjesën e parë pati një dominim të lehtë në mbajtjen e topit nga skuadra “Axurre”, por pa rezultat. Në pjesën e dytë, turqit provuan të rrezikonin portën kundërshtare dhe ia dolën disa herë të “kërcënonin” seriozisht.
Trajneri Spaleti bëri disa ndryshime në këtë ndeshje, duke i dhënë mundësinë të luajnë disa lojtarë që nuk kanë patur shumë mundësi të tregojnë veten. Ky ishte testi i parë miqësor për Italinë. Ndeshja tjetër është me Bosnjën, përpara ndeshjes së parë të Europianit, atë ndaj Shqipërisë.
Portugalia triumfoi me rezultatin 4-2 ndaj Finlandës, në testin miqësor që dhuroi plot 6 gola.
Luzitanët ishin dominues absolut në duelin e zhvilluar në stadiumin “Estádio José Alvalade” të Lisobonës, duke mos e diskutuar për asnjë moment fitoren.
Kapiteni Dias hapi serinë e golave në minutën e 17, ndërkohë që Diogo Zhota shënoi në minutën e 45+4 nga penalltia për 2-0.
Pjesa e dytë rezervoi edhe 4 gola të tjerë, Bruno Fernandez realizoi dopietë në minutat 55 dhe 84, teksa të dyja golat për kombëtaren e Finlandës i shënoi Puki në minutat 73 dhe 77.
Portugalia do të zhvillojë edhe 2 miqësore të tjera në datat 8 dhe 11 qershor, respektivisht përballë Kroacisë dhe Irlandës.
Lini një Përgjigje