FLASH
Shkruar nga Pamfleti
Mediat argjentinase kanë publikuar sot lajmin se ish-futbollisti i njohur argjentinas, Ezekiel Laveci, ka përfunduar i shtruar në një spital në Uruguaji, pasi ka marrë plagë që lënë të mendojnë se ai është goditur me thikë.
Ish-lojtari ka qenë në Uruguaji dhe sipas mediave argjentinase, ka përfunduar i shtruar në spital me një plagë të çarë në bark dhe me frakturë të klavikulës. Situata e tij paraqitet e stabilizuar, por ka ende shumë mister rreth rrethanave të asaj që ka ndodhur, pasi ai është shoqëruar në spital vetëm nga partnerja e tij.
Sipas mediave, Laveci ka qenë në një eveniment familjar dhe situata ka përshkallëzuar nga konsumimi i alkoolit, me të vëllain, i cili dyshohet se është personi i cili e ka goditur. Ndërkohë, pjesëtarë të familjes kanë deklaruar se në fakt Laveci i kishte pësuar këto plagë pasi ishte rrëzuar nga shkallët kur po ndërronte një llambë në shtëpi.
Lini një Përgjigje