FLASH
Shkruar nga Pamfleti
Duhej të ishte një leksion futbolli, por rezultoi përballje grushtesh. Real Betis dhe Komo dhuruan një nga skenat më të turpshme të viteve të fundit në fushën e futbollit. Ndeshja në Kadiz ishte gjithçka tjetër përveçse miqësore.
Një numër lojtarësh nga të dyja ekipet u përfshinë në një përleshje masive, gjatë së cilës u shkëmbyen shuplaka dhe grushte. Pas fishkëllimës së pjesës së parë, në një moment kur Komo po kryesonte 2-0, shpërtheu një skenë në kufijtë e absurdes.
Sherr masiv që solli edhe një moment komik. Kuço Hernandez u fut me vrull, por në vend që të godiste një lojtar të Komos, përfundoi duke goditur shokun e skuadrës, Natan.
Episod që mund të ketë një efekt negativ për ata që u përfshinë, nëse gjyqtari kryesor vendos ta çojë çështjen më tej. Pritet pezullim nga të dy kampet, për të munguar në fillimin e sezonit të ri. Nëse do të ketë ndonjë pezullim nga kjo për Betisin, kandidatët e mundshëm janë Belerin, Fornals dhe Kuço, dhe ky do të ishte një lajm i tmerrshëm për trajnerin Manuel Pelegrini.
Ky i fundit pritet të jetë sulmuesi titullar i klubit për sezonin e ri, ndërsa Fornals është një kandidat kryesor për të luajtur në krahun e djathtë.
Lini një Përgjigje