FLASH
Shkruar nga Pamfleti
Laçi do të luajë në Superiore vitin e ardhshëm. Të besuarit e Armando Cungut mundën 3-1 Flamurtarin në Kurbin, në ndeshjen e “Play Out”.
Rasti i parë serioz i takoi minutës së 11. Kurbinasit ishin afër golit të avantazhit, vetëm shtylla ndali Sobouejll. Loja ishte mjaft e luftuar, ndërsa në minutën e 27 nuk mungoi as tensioni në fushë. Në të minutën e 34, Ujka provoi nga distanca, por pa rezultat.
Kurbinasit e mbyllën pjesën e parë në avantazh, falë një skemë perfekte. Një top i Kryeziut për Melon, me brazilianin që me një goditje të bukur dërgoi topin në rrjetë.
Në miutën e 64 fati i buzëqeshi vlonjatëve, një autogol i Dajkos solli golin e barazimit. Në fund, skuadrat u vendosën në kërkim të golit, gjithsesi rezultati mbeti i pandryshueshëm.
Në minutën e 108, Laçi fitoi penallti pas një prekje të topit me dorë në zonën e kundërshtarit, 11-metërsh i përkthyer në gol nga Melo. Në fund, laçjanët festuan qendrimin mes më të mirëve edhe me një gol të Mjakit. Në krahun tjetër, Flamurtarit nuk i mbetet gjë tjetër, vetëm të mendojë për sezonin tjetër.
Lini një Përgjigje